Lingua Sarda

SANTU SPERAU BILINGUA

Santu SpErau o Santu SpArau?

Custa bidda est connota de duas maneras: Santu Sparau e Santu Sperau. Santu Sparau est su nòmini chi s'agatat de prus in su chistionai de sa genti de sa bidda etotu, Santu Sperau est su nòmini po totu s'àtera genti de Sardìnnia.

Difatis su nòmini de sa bidda ndi benit de su nòmini de unu santu de s'antigòriu, chi ddi narànt Speratus. Innoi in bidda est bessiu Sparau, ca acostumaus a furriai sa E a A, cun fueddus meda, po nai meurra in Santu Sperau bessit maurra.

Po custa arrexoni, sendi unu cambiamentu de pronùntzia sceti, aporegaus su fueddu scritu cumenti est in s'arrèxini sua, duncas scrieus Sperau e craramenti donniunu podit ligi e pronuntziai cumenti bolit.

Situ obertu

Custu situ dd'eus obertu in su mesi de ladàmini de su 2008 po su progetu Santu Sperau Bilìngua e dd'eus sighiu finsas a totu su 2010, po su progetu Santu Sperau Bìlingua 2. Nci agatais is traballus de s'Ofìtziu de sa Lìngua Sarda de Santu Sperau e àteras noas de sa bidda.

Sinnalaisì chi custu giassu si praxit o no si praxit e poita, sinnalaisì is noas chi boleis fai sciri scriendisì una lìtera eletrònica a consulentzia@hotmail.it